عادتنا حنايا في الجزائر في القعدات العائلية تجتمع الفتيات حول الجدة وتقوم بلعب البوقالات
والطريقة كالتلي كل واحدة تختار رقم من1//////حتى 20وتشوف فالها وشنوه وهدا من اجل المتع واللمة الحلوة يلااااااااااااااااااااااااااااااااا نبداو
بسم الله بديت وعلى النبي صليت وهذي البوقالات نويت
ن1-نسول عليك يالحبيب وسوال خير من ألف هدية ساعة على ساعة نتفكر زمان ونقول علاش اللي تمنتوا ما هو ليا.
2-يا مالكتني بزينك يا زايد في عذابي في الليل نومك وفي النهار نترجاك أعطيني كلمة يرحم اللي رباك
3-فاطمة يا فطوم على مولات الحاجب المقرون عليها نخلي بلاد دزاير ونزيد بلاد الروم.
4-في الساقية يغسل في طريفاتو بالمسك العالي وكحل في عويناتو نطاب ربي العالي خليه لميمتو وعالي شانو.
5-أحمد يا أحمد أرواح تشوف حالي راني كالحزين ما عندواالوالي حن عليا وزيني حالي.
6-نحبك قد عسل وأحلاه وقد ذهب وغلاه وقد إسم وعلاه.
7-حنا يا حنا يا معطرة بروايح الجنة جيتي بالسيرة والسنة لخبلك في يدو تهنى
8-دارنا دوار منديل بابا يحب زين ويما تحب التين وأنا نحب شاب مزروق العينين
9-باب مقابل باب وتاقة مقابلة تاقة والعين ومقابلة العين وقلوب مشتاقة
10-يدي في يد خويا ويد خويا بالحنة اليوم سعدوا هو وغدو سعدي انا
11-أهبطت قاع البحر صبت ثلاثة خطابة واحد فارس فرسان والثاني كاشف أحلام والثالث يتمناك اليوم من الأيام.
12-إذا أنت جنان أنا وردة فيك وإذا أنت البحر أنا حوت فيك إذا تحبني أنا نموت عليك
13-جايز على الباب درنا سكران ويترامى قالي أعطيني قطرة ماء أعطتلو كاس ماء ووردة وسيسان أعطني طبق فيه خزخ ورمان.
14-ماني طبسي نتكسر ماني وردة نذبال راني خاتم من ذهب في يد سيدي رجال.
15-شجرة عند الباب وطرف أخصانها من ذهب ناديت على لحباب جاء طير جاب معاه جواب وأنقب أخبر الحب
16-عيني عين لحبيب ولسانـي حـاشـم تمنيت ندير الحنة ونزيد الخاتم
17-نوضو يانايمين بنات السلطان جايـيـن فيهـم واحـدة زينـة الزيين تعشق الحواحب والعيــن
18-خارجة من الحمام وخدودهـا يحمـاروا اللـي وريلـي دارها يعمرولوا داروا
19-نمت والله والمنام رؤيـة من عندي ربـي حمامـة بيضاء جات حطت عليا
20-عينيك تـوت وحواجـبك يـاقـوت أنـا نديـك واللـي يبغـي يموت يموت
يلااااااااااااااااااااااا انتضر تفاعلكم
